Қаражанбасмұнай командасы шағын футболдан жоғары лига жүлдегері атанды

Жоғары лига матчтары 10 кезеңнен тұрды. Мұнайшылар әр кездесуге мықты дайындықпен қатысып, жанкүйерлердің фаворит командасына айналды. Соңғы кезеңдерде қаражанбастықтар «FC Medical» командасымен 2:2 есебімен тең түсіп, «Бесшоқылық» футболшыларға 4:6 голмен есе жіберді. Артынша «Arcelor Mittal Aktau» командасынан 3:1, «Aktau Plast» ойыншыларынан 2:0 есебімен басым түсті.

Осылайша тартысты жарыстар нәтижесінде ұпай саны бойынша «Бесшоқы» чемпион атанып, ҚБМ құрамасы ІІ орынға лайық деп танылды. Ал «Arcelor Mittal Aktau» ойыншылары үздік үштікті түйіндеді. Жеңімпаз және жүлдегер командаларға дипломдар, медальдар мен кубоктар табыс етілді.